Google Translator

sábado, 16 de fevereiro de 2008

"Eurásia"

Do meu amigo “Peter Silva” - companheiro das caminhadas de domingo, das achadas grávidas de pó e gargalhadas, dos cutelos deste Santiago profundo -, recebi este belíssimo poema na língua di tera. Obrigado pela participação, óh poeta!


N’gadanha na témpu

N’futi-futi na nety…

N’kônxi Eurásia!

Dagúma,

Frondôza, mimôza,

Prendada!

É dân ku stângu!

N’skúda na si voz

Meludióza!

N’lâbilâbi na krizta di sê pensamentu,

Ki luminâ’m nh’alma,

Sêndem xintitu,

S’kankarân mimória!

Bai di li, bem di lâ,

Nu marra friôlu, kômpassádu,

N’trokôla xintidu!


Xih!


Djôgu di mórti,

Atáka li, difêndi la,

Pa s’tibôrdu pa bômbordu,

Lumi sêndi, sukúru fitchâ,

Núbri labánta!

É môstra’n sê vergonha!

Strubáda rabenta, krân!

N’mânela tékla,

N’fukufuki’l nhâs krêris na són di letra,

Pan dismiôla’l butunku di bêz!

É lambuza inda si mê!...

Pa máz kin kunsa,

Pan dôlma’l xinditu,

S’pêransa, stribinka!

Fumu bránku, nem sinal!

Nha dizêju lagônguido,

Frutchi na missênha, sem bildjêti, nem passapórti,

Na s’pássu, é sêndi moda strêla,

N’bârka na nety…

Lebâ’l kêbrantu nh’alma,

Sôtádu, rabentádu!

Kâda bêz kin prâma na nety,

Dâ di dâ, kin’ôdja Eurásia,

N’ta xinti kâ sâbi ta entranha’n,

Ta levitâ’n, ta lêbia’n k’un sabura!

Ki ta disfâniká’n, ta n’tchôtchá’n Kâkú!

Kôrda môz!

Lembra ma bu recebi águ’l baptismu,

Kâ’u da lâstru, pa satanáz inferna’u!

Na kâxa PC,

Ôdju d’Eurásia n’fitissádu,

Ta garbáta, ta baskúdja, ta rabôlbe’m ti tutánu

É ta frútchi ki nem cendêru,

Ta barganha ki nem galápu!

Ta n’kuralâ’n nês prizôn d’ildjêu – prendêudu!

Mô kâbra na kúral.

N’ta kúda gô!

Sê dismamânta, é bâza na mar!

N’ta frantchi’l anzol, Kâ ta kâpri, nau!!!

Ku fôrsa’l s’kônxu, n’fazi bandôba, kôraçon – abruninci!

Nem ki bem térramóti, pa kába – úpu!

N’na, gô kê lâpi!...

Kôraçon ta sangra, n’pêga boba d’Eurásia,

É um krêris,

Ki ta marlôtá’n,

Mô ratádju!

É luminári na nha kôrpu,

Ki ta kírsi, é finadu ki tôma’n,

Piku d’inférnu, nem kê lebâ’n!

Kâ tem missa, nem ága-bénta

Ki ta s’kônjura sê kêbrantu!

Eurásia, Eurásia, Eurásia!

Di trâbéssu n’ka ta bai,

Nh’âlma, nha sprítu, stá na bum ô!

Si nês planeta nu kâ djôndju,

Nu ta djuguta’l ti lâ+i, na Kelôtu!

N’ta spêra’u, píamm!

Kê pa nu djunta, pa nu brinka, brinka ku litôn!

........................

Tcháda Santantóni, 10 di Janêru di 2004

Peter Silva

2 comentários:

Anónimo disse...

Ena Paulino!
Que DESCOBERTA é este rapaz de pena acutilante!!. Bravo tiro a minha boina a ele. Foste realmente estupendo trazendo ao meu conhecimento esta lavra nun vernáculo profundo.
Um abraço para ti e para o poeta.
De kabarboza

Paulino Dias disse...

Thanks, Kaka, vou encaminhar ao poeta estas tuas palavras sobre as palavras dele. Para que hajam mais palavram.

Abraco,
Paulino